Gaubea bi gurpilen gainean bizitzeko asteburua

** Azaroaren 14an eta 15ean, Gaubea MTBren zaleen topagune bihurtuko da, kirola, ikaskuntza, abentura eta bizikidetza uztartzen dituen proposamen batekin.**

Gaubeak hartuko du azaroaren 14 eta 15ean** Valdegobike Weekend**, mendiko txirrindularitzari eskainitako asteburua, bizikletaz hainbat ikuspegitatik gozatzera gonbidatzen duena: teknika hobetzea, erronka berriei aurre egitea, ingurunea ezagutzea eta kirol honen beste zaleekin esperientziak partekatzea.

* Ride · Learn · Challenge · Party* lelopean, ekitaldiak pedalei eragitea baino askoz gehiago proposatzen du. Bi egunetan, maila desberdinetako parte-hartzaileek teknikako masterclasseak, jaitsiera gidatuak, erronkak eta trebetasun-probak izango dituzte, bai eta bizikleta-giroa eta bizikidetza sustatzeko jarduerak ere.

Larunbatean bizikletaren inguruko ikaskuntzaz eta erronkez arituko da bereziki. Maila ezberdinetara egokitutako saio teknikoak egongo dira, hastapenetik aurreraturikoak, baita Bunny Hop Challenge, Sprint edo Skill Zone bezalako probak ere.
Jardunaldiak Village kanpinean jarraituko du, asteburuko topagune bilakatuko dena.

Bikepackingari buruzko hitzaldi bat ere emango du Rodamunduk.

Igandean Coffee Ride batekin bidea partekatzeko unea iritsiko da Angosto Kanpinean eta Gaubea inguruan, masterclass aurreratu batez gozatzeko eta parte-hartzaileen trebetasunak taldekako lehiaketa batekin probatzeko.

Asteburua sari banaketarekin eta oparien zozketarekin amaituko da.

Valdegobike Weekend Gaubeak turismo aktiboaren eta bizikletaren helmuga gisa duen ahalmena balioesteko asmoz sortu zen, gure lurraldeak naturaz eta kirolaz urte osoan gozatzeko eskaintzen dituen aukerak erakutsiz.

** Ikasteko, gainditzeko, gozatzeko eta Gaubea bi gurpilen gainean ezagutzeko bi egun.**

#ValdegobikeWeekend #Gaubea #MTB #TurismoAktiboa #Gaubea